२ महिनापछि बागमतीका सभामुखको राजीनामा स्वीकृत

बागमती प्रदेश सभाका सभामुख भुवनकुमार पाठकको राजीनामा स्वीकृत भएको छ । प्रदेशसभा सचिवालयले आज एक सूचना जारी गर्दै सभामुख पाठकले २०८२ भदौ १ गते नै राजीनामा दिएको जानकारी गराएको हो  ।

सभामुख पाठकज्युले  उपसभामुख अप्सरा चापागाँइलाई सम्बोधन गरी पदबाट राजीनामा दिएका थिए । प्रदेश सभा नियमावली २०७४ को नियम १८४ को उपनियम (२) बमोजिम प्रदेश सभा  सदस्यहरूको जानकारीका लागि यो सूचना प्रकाशन गरिएको प्रदेश सभा सचिव रामकुमार पौडेलले जनाएका छन् ।

सूचना प्रकाशित भएसँगै उनको राजीनामा स्वीकृत भएको हो ।  उनी राप्रपाबाट प्रदेश सभामा निर्वाचित भएपछि सभामुख भएका थिए ।