इन्द्रसरोवर \ मकवानपुरको इन्द्रसरोवर गाउँपालिका वडा नम्बर ५ फाखेलमा अवस्थित श्री मितेरी बचत तथा ऋण सहकारी संस्थाको आयोजनामा शुक्रबार २१ औं कार्यकुशलता था सिकाई व्यवस्थापन कार्यशाला भएको छ ।
संस्थाका अध्यक्ष धनराज महर्जनको सभाध्यक्षता तथा गाउँपालिकाका अध्यक्ष देवकृष्ण पुडासैनीको प्रमुख आतिथ्यतामा कार्यक्रम भएको थियो । कार्यक्रममा वडा नम्बर ५ का वडाध्यक्ष दुतराज तितुङ, नेफ्स्कुनका कार्यक्रम अधिकृत यमकला पौडेल, संस्थाका लेखा समिति संयोजक मधुकर कार्की, सल्लाहकार विन्दु विष्ट लगायतको आतिथ्यता रहेको थियो ।
नेफ्स्कुनले प्रोवेसन ब्राण्डमा समावेश गराउन क्षेत्रगत रुपमा कार्यशाला गर्दै आइरहेको छ । पूर्ण तथा व्यवसायिक साकोस विकास कार्यक्रम(प्रोवेसन) कार्यक्रम अन्तरगत प्रोवेशन मध्य तराई दोस्रो क्लष्टर अन्तरगतका ११ वटा सहकारी संस्थाहरुको सहभागितामा कार्यकुशलता कार्यशाला भएको संस्थाका सुचना अधिकारी उमेश बस्नेतले बताए । कार्यशालालाई नेफ्स्कुनका कार्यक्रम अधिकृत यमकला पौडेलले सहजीकरण गरेकी थिईन् ।
