हेटौंडा \ हेटौंडा उपमहानगरपालिका वडा नम्बर १३ पदमपोखरीमा रहेको महिला मिलन बचत तथा ऋण सहकारी संस्थाले शनिबार ६७ औँ राष्ट्रिय सहकारी दिवसको अवसरमा किशोरी सदस्यहरुबीच चित्रकला प्रतियोगिता आयोजना गरेको छ ।
प्रतियोगितामा हिमचुली किशोरी समूह नम्बर १५८ की क्याथरिन थिङ प्रथम भएकी छिन् । त्यस्तै, द्धितीय स्थानमा मुस्कान किशोरी समूह १७९ की मनिषा मुक्तान, तृतीय हिमचुली किशोरी समूह नम्बर १८८ की डोल्मा वाईवा र सान्त्वना समर्पण किशोरी समूह १७५ की उमिशा दोङ भएकी छिन् ।
पुरस्कृत हुनेहरुलाई वडा नम्बर १३ का वडा अध्यक्ष पेम्बा लामाले पुरस्कार प्रदान गरेका थिए । पुरस्कार प्रदान गर्दै बालबालिकालाई खेलकुद, संगीत सँगै कला क्षेत्रमा प्रेरित गर्नुपर्ने बताएका छन् । मोवाईल भन्दा पनि यस क्षेत्रमा बालबालिकालाई प्रेरित गर्न सकेमा अध्ययन सँगै सकरात्मक सोचमा परिवर्तन हुने बताए ।
लामाकै प्रमु आतिथ्यतामा भएको कार्यक्रममा संस्थाका उपाध्यक्ष दीपा लामाको अध्यक्षता रहेको थियो । कार्यक्रममा संस्थाका निवर्तमान अध्यक्ष विष्णु माया लामा, महेन्द्र माविका शिक्षक महेन्द्र मोक्तान लगायतको आतिथ्यता रहेको थियो । प्रतियोगिताको प्रमुख निर्णायक शिक्षक मोक्तान नै रहेका थिए । कार्यक्रममा १७ जना किशोरीले प्रतिस्पर्धा गरेका थिए । चित्रकलाको विषय बालविवाहले पारेको असरहरु बारे चित्रण गरी चित्र बनाउनु पर्ने थियो ।
