हेटौँडा \ हेटौँडामा सोमबार एक दिने सहकारीको कार्यकुशलता तथा सिकाई व्यवस्थापन कार्यशाला भएको छ । मकवानपुरगढी गाउँपालिका वडा नम्बर ३ स्थित जागरण बचत तथा ऋण सहकारी संस्थाको आयोजनामा १६ औँ कार्यकुशलता कार्यशाला भएको हो ।
संस्थाका अध्यक्ष कल्पना श्रेष्ठको अध्यक्षता तथा जिल्ला बचत तथा ऋण सहकारी संघका कोषाध्यक्ष विष्णुमाया लामाको प्रमुख आतिथ्यतामा भएको थियो । कार्यक्रममा संस्थाका व्यवस्थापक, सह व्यवस्थापक तथा सम्बन्धित तोकिएको संस्थाका प्रतिनिधिहरुको सहभागितामा भएको कार्यशालामा महिला मिलन साकोस हेटौँडा, नवविकास साकोस रौतहट, प्रभात दिदीबहिनी साकोस चितवन, ग्रामीण साकोस चितवन, जनचेतना साकोस हेटौँडा, महिला अभियान साकोस भीमफेदी, सर्वशक्ति साकोस चितवन, भरतपुर जनसेवा साकोस चितवन र जागरण साकोस मकवानपुरगढीले आफ्नो संस्थाको प्रस्तुतीकरण गरेका थिए ।
कार्यक्रममा नेफ्स्कुन प्रस्तुतीकरण र पल्र्स प्रस्तुती प्रस्तुत गरिएको थियो । कार्यक्रममा नेफ्स्कुन फिल्ड उपसमिति सदस्य राजु गौतम, राष्ट्रिय सहकारी बैंकका प्रमुख रामेश्वर अर्याल, नेफ्स्कुनका कार्यक्रम अधिकृत सन्दीपराज ढकाल र यमकला सुवेदी लगायतको आतिथ्यता रहेको थियो ।
