हेटौडा \ हेटौडा ६ चौघडामा रहेकाो जनकल्याण बचत तथा ऋण सहकारी संस्थाले तिहारको अवसरमा विभिन्न कार्यक्रमको आयोजना गरेको छ । संस्थाको चालू आव ०८०/०८१ को वार्षिक स्वीकृत कार्यक्रम अनुसार कार्यक्रम गरिएको हो । सहकारीमा आवद्व बालबालिकाहरुको लागि चकलेट रेस , म्युजिकल चियर र घ्याम्पो फुटाई प्रतियोगिताको आयोजना गरिएको थियो ।
प्रतियोगितामा चकलेट रेसमा प्रथम एरोन पौडेल, द्वितीय रिदम लामिछाने र तृतीय आरुसी खड्का, म्युजिकल चियरमा प्रथम विकेश ढुङ्गाना द्वितीय गरिमा गौतम र घ्याम्पो फुटाईमा विकेश ढुङ्गाना विजयी भएका छन ।
विजयी बालबालिकाहरुलाई संस्थाका अध्यक्ष हिमाल पौडेल, उपाध्यक्ष श्याम प्रसाद भट्टराई , सदस्य यतिराज दङ्गाल, रेखा मैनाली, व्यवस्थापक दीपेन्द्र गौतम लगायतकाले पुरस्कार वितरण गरेका थिए । कार्यक्रम संस्थाका अध्यक्ष हिमाल पौडेलको सभाध्क्षतामा भएको थियो ।
