हेटौंडा \ मकवानपुरगढी गाउँपालिकाका किसानलाई चापकटर मेशिन वितरण गरिएको छ । पचास प्रतिशत अनुदानमा २० वटा चापकटर किसानलाई वितरण गरिएको हो ।
विहीबार एक कार्यक्रमका बीच गाउँपालिकाका अध्यक्ष दोर्जे लामा स्याङ्तानको प्रमुख आतिथ्यता तथा वडा नम्बर ३ मा रहेको श्रमिक साना किसान कृषि सहकारी संस्थाका अध्यक्ष निर्मला लम्सालको सभाध्यक्षतामा वितरण गरिएको हो ।
भेटेरिनरी अस्पताल तथा पशु विज्ञ केन्द्र हेटौंडाबाट प्राप्त २० वटा कृषि औजार यन्त्र च्यापकटर ५० प्रतिशत अनुदानमा किसानलाई वितरण गरिएको संस्थाका अध्यक्ष निर्मला लम्सालले बताइन् ।
वितरण कार्यक्रममा वडा नम्बर ३ का वडा अध्यक्ष भागवत घिमिरे, भेटेरिनरी अस्पताल तथा पशु विज्ञ केन्द्रका डा. विमोचन पौडेल, मनकामना दुग्ध उत्पादक सहकारी संस्थाका अध्यक्ष अर्जुन प्रसाद दाहाल लगायतको आतिथ्यता रहेको थियो ।
