हेटौंडा \ ६६ औं राष्ट्रिय सहकारी दिवसको अवसरमा हेटौंडा १३ पदमपोखरीमा रहेको महिला मिलन बचत तथा ऋण सहकारी संस्थाले स्कुटी ¥याली गरेको छ । दिवसको अवसर पारेर सहकारीका विभिन्न नाराहरुको प्ले कार्ड बनाएर स्कुटी ¥याली गरिएको हो ।
संस्थाको मुख्य कार्यालयबाट सुरु गरिएको ¥याली हेटौंडा १२ को हात्तिगौडा, सिग्रेनी हुदैं वनस्पति चोकबाट पुनः पदमपोखरीको मुख्य कार्यालयका पुगी कोण सभामा परिणत भएको थियो । सहकारीको दिगोपनः स्वनियमन र सुशासन भन्ने मुल नाराका साथ ७० जनाको सहभागितामा स्कुटी ¥याली गरिएको संस्थाका प्रमुख व्यवस्थापक फुलमाया मोक्तानले बताइन् ।
कोण सभामा संस्थाका अध्यक्ष विष्णुमाया लामाले सम्बोधन गरेकी थिइन् । उनले चैत्र २० गते मनाइने ६६ औं राष्ट्रिय सहकारी दिवसको पूर्वसन्ध्यामा स्कुटी ¥याली गरि स्वागत गरिएको बताइन् । सोमबार हेटौंडाबजारमा हुने बृहत प्रभातफेरी कार्यक्रममा सहभागि भई दिवस सम्पन्न गर्ने बताएकी छिन् । सहकारीले आइतबार नै दिवसको अवसरमा ३५ जना महिलाहरुको सहभागितामा क्यान्सर रोग सम्बन्धी अनुशिक्षण कार्यक्रम समेत गरेको छ ।
