हेटौंडा \ मकवानपुरगढी गाउँपालिका वडा नम्बर ३ मा रहेको जागरण बचत तथा ऋण सहकारी संस्थाले आफ्नो २४ औं स्थापना दिवसमा विभिन्न कार्यक्रम गरि मनाएको छ ।
दिवसको अवसरमा हेटौंडा १७ मा रहेको कार्यालयमा बाल कार्यक्रम अन्तरगत घैंटो फुटाउने तथा म्युजिकल चियर खेल कार्यक्रम गरिएको थियो भने आज भने रक्तदान तथा जेष्ठ नागरिक सम्मान गरेको छ ।
प्रदेश सहकारी विकास वोर्डका उपाध्यक्ष नारायणप्रसाद देवकोटाको प्रमुख अतिथ्यता तथा संस्थाका अध्यक्ष कल्पना श्रेष्ठको अध्यक्षतामा कार्यक्रम भएको थियो ।
रक्तदान कार्यक्रममा २३ जना रक्तदान गरेका थिए । जेष्ठ शेयर सदस्यलाई सम्मान गरिएको थियो ।
सम्मानित हुनेमा पूर्ण कुमारी श्रेष्ठ, गुणकुमारी सापकोटा, इन्द्रकुमारी खड्का, चित्र कुमारी बजगाई, प्रेमकुमारी दाहाल, सानुमाया थिङ, सुन्तली माया थिङ, चन्द्रमाया घिमिरे र चन्द्रमाया विश्वकर्मा रहेका छन् ।
कार्यक्रममा वडा ३ का अध्यक्ष भागवत घिमिरे, जिल्ला बचत तथा ऋण सहकारी संघका सचिव बिरेन्द्र प्रसाद ढुङ्गाना, श्रमिक साना किसान कृषि सहकारीका उपाध्यक्ष मानकुमारी पाख्रिन लगायतको आतिथ्यता रहेको थियो । तीन हजार १३५ जना शेयर सदस्य रहेको सहकारीले फागुन मसान्त सम्म १५ करोड ५० लाखको कारोबार गरेको संस्थाका व्यवस्थापक मेनुका दाहालले बताइन् ।
