हेटाैडा \ हेटाैडा-६ चुच्चेखाेलामा रहेकाे कामधेनु बहुउद्देश्यीय सहकारी संस्थाले आफना शेयर सदस्यहरुलाई कृषि उपकरण वितरण गरेकाे छ ।
हेटाैडा उपमहानगरपालिकाकाे ५० प्रतिशत अनुदानमा कृषि उपकरण वितरण गरिएको हाे ।
सहकारी संस्थाले संस्थामा आवद्व शेयर सदस्यहरुकाे कृषि उत्पादनमा सहयाेग गर्ने उद्वेश्यले कृषि उपकरण वितरण गरेकाे संस्था अध्यक्ष उदय बिडारीले बताए ।संस्थाले ३८ जना सदस्यलाई विषादी छर्ने चार्जवेल स्पे, ८ जनालाई मकै छाेडाउने मेशिन,३ जनलाई पानी तान्ने इलेक्ट्रीक मेशिन, ३ जनलाई स्प्रे बाेतल वितरण गरिएकाे थियाे ।
संस्था अध्यक्ष उदय विडारीकाे सभाध्यक्षतामा भएकाे वितरण कार्यक्रममा संस्था सञ्चालक समिति, लेखा समिति, शेयर सदस्य,कर्मचारी लगायतकाे सहभागीता थियाे ।
